قسم ابو فايك و ام فايك

بعد هل عمر الطويل و فجأة قررت ام فايك تخلع ابو فايك لاسباب لهلأ مش معروفة .... و والمرة ما قصرت حطت محامي و شو محامي ... تحفة من الاخر ... بس لهلأ ما خلعته لابو فايك

المهم ابو فايك استلم ورقة المحكمة من هون و قرر يحط محامية مش محامي ( بركي صار نصيب ) عشان القضة

و حكى ابو فايك مع المحامية و خلونا نشوف تفاصيل المكالمة و تفاصيل القضية

ابو فايك : الوووو مرحبا ... كايد او ابو فايك معاكي
المحامية : يا هلا ....
ابو فايك : هلا فيكي .... انا بدي اياكي بموظوع حساس كثير و بدي يكون بسرية تامة
المحامية : يعني الموضوع شخصي
ابو فايك : فيكي مين يكتم السر
المحامية : اكيد تفضل
ابو فايك : انا و متل ما ابتعرفي رجل اعمال و اللي مركزي ... و اللاسف في كظية خلع من طرف المكصوفة ام فايك
المحامية : ما تقلق كل قصية و الها حل ...... بس الخلع بحاجة لشهود
ابو فايك : شهود للخلع نفسه
المحامية : نعم و تحتاج .....
ابو فايك : ( طبعا قاطع المحامية ليحكي ) هي قضية خلع و انا وصلتني وركة غريبة كثير من المحكمة كال اسباب الخلع و هي رائحة الرجلين كريهمة متواصلة مع حمام او بدون حمام .... (بصرخ) هاذي وركة بكتبها محامي هااااااا
المحامية : لا لا .. مدام زوجتك طلبت الخلع لازم يكون في اسباب و تجيب شهود على هادا الكلام
ابو فايك : يعني شهود ؟؟؟؟ من وين بدها تجيب ؟؟؟؟؟؟؟
المحامية : اي اكيد لازم تجيب شهود
ابو فايك : يعني انتي شو رح تحكي ع السبب الثاني ... كال اطلاق غازات اثناء النوم يعني كيف الواحد بده يتحكم باطلاق الغازات اثناء النوم .... يعني يصحى يكول صوري و يرجع ينام .... لا و كال برائحة مسيلة للدموع
المحامية : لا ما اتوقع هادي الاسباب
ابو فايك : هاذي المرة صارلها 4 شهور حردانة عند دار اهلها و بتكولي انا ابديش اعيش معك .... و كبل يومين ابتوصلني هاذي الرسالة
المحامية : ان شالله احنا رح نححل القضية و نشوف الاسباب الرئيسية لانه الاسباب اللي موجودة عندك مش اسباب مقنعة ابدا
ابو فايك : هو انتي مرتبطة
المحامية : عفوا
ابو فايك : انو انا قصدي كيف ممكن ندافع عن موظوع اتهام برائحة الرجلين ..... انتي لو تشوفي باكي الاسباب
المحامية : هات لشوف لو سمحت
ابو فايك : السب و الشتم و الذم اثناء النوم و شخير يميل الى الصراخ مع الحديث باللغة الانجليزية
هو صحيح انا مواليد نيويورك بس هاذا الاتهام باطل
المحامية : خلص توكل ع الله و ان شالله ما بصير الا كل خير
ابو فايك : هلأ انا اللي بدي افهمه بالمحكمة كيف بده يثبتو شغلة اطلاق الغازات او عكس ذلك
المحامية : اكيد هي مو الاسباب الاصلية و في اسباب تانية
ابو فايك : يعني ممكن المحامي تبعها يحكيلي اطلق غاز
المحامية : شوووووووووو
ابو فايك : شو رايك نسبقهم كبل ما يلحكونا و اروح عند دكتور و اجيب ورقة اثبت انه هاذي الرائحة طبيعية تخرج من اي بني ادم و بالنسبة للشخير اما بشيل اللحمية او بكتب ورقة بحكي انو بشخر بطريقة طبيعية
المحامية : اخي ابو فايك الاسباب المذكورة عندك مو مقنعة ابدا
ابو فايك : ( بصوت يحنن المحامية عليه ) هلكيت هاذي اسباب تخلع الوحدة جوزها ... هي بدها اي سبب حتى تربح فلوس ... هلكيت بطالب 2 مليون عشان الريحة و مليون
المحامية : ( مقاطعة ابو فايك ) توكل ع الله
ابو فايك : (معصب ) انا بدي ارفع عليها كظية
المحامية : هي بضل زوجتك
ابو فايك : اه بدي ارفع عليها كظية تشويه سمعة هلكيت انا كيف بدي جيب المرة الثالثة .... و تحريض اولادي علي تخيلي ابني فايك الكبير يكصف عمره صار يناديني بابو ريحة 
المحامية : ولا يهمك ( بس بدها تخلص منه )
ابو فايك : بعدين هي ما ابتطبخ الا بالمناسبات الخاصة
المحامية : كل شي اله حل
ابو فايك : احلفي يمين ما تجيبي سيرة
المحامية : اكيد
ابو فايك : طيب بركي هي كانت تسجلي .... يعني هلكيت هي ممكن تسجل هاذي ما حسبنا حسابها الشخير و الحكي و انا نايم ... بس كيف بدها تسجلي رائحة الغازات هو ممكن يطلع صوت الغاز بس الريحة كيف بدها تثبتها ؟؟؟؟؟؟؟؟؟؟؟؟؟؟؟؟؟؟؟؟
المحامية : لا تقلق و ان شالله ما بتكون الا مبسوط
ابو فايك : انا بدي فوز بالكظية كد ما تكلف تكلف مليون 2 مليون المهم افوز ..... اكثر من 150 انا ما بدفع
المحامية : توكل ع الله اخي
ابو فايك : انا عندي الشهود ... مكن اجيب ام وظحة مرتي الثانية اللي ما عم بتعاني من هاذي الاسباب و تحكي انو هاذا الحكي مش مزبوط و انو هذ كلها تاهامات باطلة
المحامية : اي ممكن مش غلط ..... خلص اخوي انت تفضل عنا بالمكتب و ان شالله ما يصير الا كل خير



و بعد ذلك تنازلت ام فايك عن القضية لانها تزكرت العشرة و الخبز و الملح اللي كان بينها وبين ابو فايك
و تزكرت انو احمد المكلعط اللي كانت بدها تخلع ابو فايك عشانه هرب بريشه و انه ولد مش زجال متل ابو فايك اللي كل الحارة ما ابتقدر تحكي معه تلت التلاتة كم