كيف تعرف انك في الأردن

كيف تعرف انك في الاردن؟

إذا مشيت بالشارع يوم من الأيام ... وشفت سياره تكسي صفرا من جوا ضو أزرق ... وسي دي معلق على المراي ... وجواتها شب مربي سكسوكه ولابس بنطلون كونز ومعبي السيارة من برا تعليقات وملصقات ... فأنت تسير في شوارع الأردن.

<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<

إذا كنت واقف على الإشارة ولما تصير صفرا بتسمع سبعين واحد بيزمرو ورآك.... فأنت في الأردن.
<<<<<<<<<<<<<<<<<<<<<<<<<<<<<<<<<<<

إذا كنت ماشي وعلى بعد 200 متر إشارة خضرا .. وشفت كل السيارات تتجاوز عنك عن اليمين .. عن الشمال ... مش فارقه .. المهم يلحقوا الإشارة خضرا .... بتكون في الأردن
<<<<<<<<<<<<<<<<<<<<<<<<<<<<<<<<<<<

إذا دخلت أي دائرة حكومية وشفت الموظف قاعد ماد بوزه ومكشر ووجهه فلتبتسم لانك في إحدى الدوائر الحكومية في الأردن
>>>>>>>>>>>>>>>>>>>>>>>>>>>>>>>>

اذا سمعت الحوار التالي:
- ألو
- ألو
- مرحبا
- هلا .. هلا
- كيف الحال
- والله الحمد لله ... انته شو أخبارك
- تمام الله يسلمك
- شو فيه ما فيه
- والله صافيه وافيه .. مين معي
- انته الطالب .. مين حضرتك
- مش تليفون ابو غازي
- لا يا خوي النمره غلط
- آه ... حقك علي يابه
- ولا يهمك .. كسبنا سماع هالصوت
- يا سيدي الله يحي اصلك .. من وين انت
- انا من الملاطشه
- هاظا احنا قرايب
- يا سيدي حياك الله ... مع السلامه
- هلا .. هلا .. الله معك
طبعا اذا سمعت مثل كلللللللل هذا الحوار ... والنمره غلط في النهاية ... فأنت أكيد في الأردن.
<<<<<<<<<<<<<<<<<<<<<<<<<<<<<<<<<<<

اذا كنت تتحدث مع شخص عن أسعار الأراضي ... وقالك انه الارض الفلانيه اللي
بعبدون كانت لجده وكان يزرع فيها بندوره وفقوس .. وباعها بثلاثمية ليره بالستينات ... فأنت اكييييييييييييييييد في الاردن.
<<<<<<<<<<<<<<<<<<<<<<<<<<<<<<<<<<

اذا كنت ماشي بالشارع ... وشفت واحد يبجح بخلقتك .. هيك بدون سبب ... لا هو مسلِم .. ولا هو مبتسم لك ... بس بيجح كأنك قاتل أبوه .... فأنت ماشي في شوارع الأردن
<<<<<<<<<<<<<<<<<<<<<<<<<<<<<<<<<<

اذا رن عليك واحد مش شايفه صار لك عشرطعشر سنه ... وساعه وهو يسلم عليك ويمدح فيك وآخر اشي سألك : بالله وين محول راتبك .... عشان تكفلو بقرض .... اكيد بتكون بالاردن
<<<<<<<<<<<<<<<<<<<<<<<<<<<<<<<<<<

اذا كنت قاعد بمكان عام ...
وكل اللي حواليك ماسكين موبايلاتهم وسمعت .. ' بالله شغل البلوتوث .. بدي أبعث لك شغله ( طقع )' ... بتكون ويييييييييييييييييييييين ؟؟؟؟؟؟؟ بالأردن
<<<<<<<<<<<<<<<<<<<<<<<<<<<<<<<<<<<

اذا سمعت كلمة صافيه وافيه ... وهي لا صافيه ولا وافيه .. بتكون بالأردن.
<<<<<<<<<<<<<<<<<<<<<<<<<<<<<<<<<

اذا شفت بكم ديانا موديل الف وتسعميه وخشبه محمل بندوره والشوفير شاد الشماغ على رأسه ومش شايف لا شمال ولا يمين .. ويا أرض اشتدي ما عليكي أدي .. بدي أسبق كل التكاسي .. بتكون بالاردن.
<<<<<<<<<<<<<<<<<<<<<<<<<<<<<<<<<<<

اذا الدنيا رشت شوية بَرَد ...ووزارة التربية علَقت الدراسه .. والحكومة اعلنت عطلة رسمية بسبب
خوفها من الثلج الغادر .. والتلفزيون بث مسرحية العيال كبرت .... معناته أنت كمان بالأردن.
<<<<<<<<<<<<<<<<<<<<<<<<<<<<<<<<<<

اذا شفت الجو ..هَه .. برشرش ثلج والناس بتقدر تركظ عالخبز والكاز بس ما بتقدر تروح تداوم ... برضه بتكون بالأردن.

اكيد كاتب هيك اذاً انا بحب الأردن و الأردن اولاً كيف تعرف انك في الأردن 772733

هههههههههههههههههههه
يسلموووووووووو اخي سر ويعطيك الف عافية تحياااتي لك
دمت بود

زائر

ههههههههههههههههههه

يا ناس خففوا شوية على الاردنين

دمت بود

تحياتي