شياب أخــــــــــر زمن لا تلومونهم

زائر

^

هذا الحوار الشعري بين الشايب,والعجوز ,. وحبيت أنقلــــــــــــــه لكم ....

وتابعوا هذا الحوارالشعري الظريف الممتع ......بينهم ...( شياب أخــــــــــر زمن لا تلومونهم )..

^

^

^

الـشـــــايب :

قلبي شباب ولازماني اعرّس .. مابا العجوز اللي اتوسّد على الباب

الخير وايد وانا ماني مفلّس .. عندي فلوسٍ تدعم البنك في الحساب
^

^

الـعجــــــــوز:

ما باقي غير خشمك وهالضرس .. تبغي تعرس وانت غادي كالغراب

قابل صلاتك الله يشفيك م المس .. والاّ ترى باطب وجهك بالتراب
^

^

الـشـــــــايب :

إنتي عجوز وأكلك الروب والخس .. اما انا ماكل سوى الشاورما وكباب

ما فيني سكر غير ضغطي نازل بس .. دام الهوى فيني ترى كل شي طاب
^

^

الـعجــــــــوز :

لابارك الله فيك يا الشيب هيا النحس .. ما تيبك الرمسه ولا ايبك اعتاب

قصرلي صوتك مابا اسمع ولا حس .. عطني طلاقي وانقلع واقبض الباب
^

^

الـشــــــــايب :

دومك نحيسه وهذا لسانك يبا قص .. ربي ترى حلل لي اربع بالكتاب

هذا خميس الاعمى يا كم عرس؟ .. مرتاح في الدنيا بلا اهم واعصاب
^

^

الــعجــــــوز:

بطران وراسك كالصخر يابس وعص .. مالوم طبعك يوم ربعك هالكلاب

غادي شرا الاريل.. ودومك اتحيّس .. استح على حالك.. أصلع ولعاب

^

^

الـشـــــــــــايب :

فكيني من وجهك ترى مالي أي نفس .. زهقان من شوفك وابغي ليا أحباب

هذا طلاقك طالقه اربع وخمس .. شلّي طلاقك من ضميري بلا احساب
^

^

الـعجـــــــوز :

مشكور يالشيبه ومن دون أي دس! .. عندي حبيب ما ابتعد لحظه وغاب

يشريك ويبيعك تراه بثمن بخس .. ما تسوى ظفره .. حلوٍ اسمر وجذاب

^

^

الـشــــــــــايب :

يالله قبل لا موت منك واغتص .. طلعتي لي قرنٍ وراسي بعد شاب

يا شينه البرقع ترى قدرك اختس .. عجوز ولك في الدنيا خلان واحباب
^

^

الــعجــــــــوز :

مثلك تراني وهذا لك في العمر درس .. لاني أميز بين شيبه وشباب

اخواني اعضاء المنتدى هاذي الحوار الشعري منقول

والله شياب آخر زمن فعلا ...

يسلمووو اخي سهران ..

تقبل مروري....

زائر

منحرمش من ردودك الحلوة
نورتي صفحتي لولو تحياتي